50 snem ka Sein kur le kyllung

Shillong,29 Nailar:
Ka sein kur Sein kur Le Kyllung, ( Rymbai, Najiar bad Toi ) ha ka 24 tarik mynta u bnai ka la rakhe ia ka jingdap 50 snem ka Seinkur ha K.J.P. School Hall, Mission Compound ha kaba da ki spah ngut ki para kur ryngkat ki khun ki kti ki la ia wan lang ban rakhe donburom ia kane ka sngi. Ha katei ka sngi ka la ka prokram kaba sngewtynnad kaba kynthup ia ki jingkren , ka repod, ki jingrwai bad jingshad tynrai na ki para kur. Ha katei ka sngi rakhe 50 snem ka kur Le-Kyllung la ia donlang ruh u Bah Bah PN Syiem , CEM, KHADC ryngkat u Doloi ka Jowai, U Ma K.C.Rymbai, kum U Kongsan bad u symbud kongsan. Ki riewtymmen, riew rangbah, Samla, khynnah ki la ia pyn iphuh iphieng ia kane ka jingialang. La pyllait paidbah ruh ia ka Souvenir (Ka thup sah kynmaw). U President, Ma WB Najiar, Ma JD Rymbai, Ex-Chief Minister, bad ruh U Secretary, R.N.Rymbai, Ki la ai ia ki jingkren ha kane ka lyngkhuh snem.
Ia kane Sein Kur Le Kyllung la sdang ha ka 25 tarik u Nailar 1963 ha ka jing ia kynduh kaba nyngkong eh ka bala long ha ka ing I Ma Dabren Najiar,ha Mawkhar. Da ka jing sngewkhia bad jing sngew kitkhlieh la pynlong ia kane ka meeting ban lum ban lang ia ki para kur kiba don hangne ha Shillong ban ia kit iabah ha ka khia ka shon, khamtam eh ha ka jingiap bad jingsngewsih bad ruh ban teh song lang ia baroh ki para kur hangne ha Shillong.