50% shah ban pyntrei kam ia ki karkhana pynmih dewbilat ha ka jylla

Shillong: U bah Prestone Tynsong symbud myntri rang bah ka jylla, mynta ka sngi u la iathuh ba kumba 50% ki la shah ban pyntrei kam ia ki karkhana pynmih dewbilat ha ka jylla.

U la iathuh ruh ba ki karkhana pynmih dewbilat kin hap ban pyntrei tang ia ki nongtrei ki ba don ha ka jylla yn ym shah ban ialam ia ki nongtrei ki ba na bar jylla ban wan trei.

U la iathuh ruh ba ia ki trok ki ba wanrah ia ki mar ba donkam na ka bynta kine ki karkhana dewbilat kin hap ban bud ia ki kyndon ba la bthah da ka tnad ka koit ka khia.

Ha kaba iadei bad u dewiong, u ba la don lypa kin ym pat lah ban pyndonkam, namar na ka liang ka Coal India Ltd kam pat dep ia ka auction ha kaba ka la sah teng namar ka pakhang shnong.