Shillong, 5 Naitung:
Kumba 50 ngut kiba la wan poi ha ka jingialang kren dewiong ba la khot da ka Khasi Hills Autonomous District Council (KHADC) kaba la long mynta ka sngi ha Khasi National Dorbar Hall, Mawkhar. Kham bun na ki malik dewiong kiba la wan poi sha katei ka jingialang la iohi ba ki dei ki dur khmat kandidet ialeh elekshon, don kiba laia khun teng bad don ruh kiba dang pynkhreh ban ia khun ha u 2018.
Don kiba la kynthoh ba katei ka jinglum jing ialang u bah Pynshngaiñ N Syiem CEM ka dei ka jingpyn khreh na ka bynta ka elekshon 2018 bad kaba la don jingiasylla lypa bad kiba bun ki kandidet kiba la pynkhreh ia ka 2018. Don ruh kiba la buh jingkylli balei ka KHADC ka dang kyndit bynriew dang mynta ia katei ka ishu kaba la ktah naduh u iaiong , 2014 ia ka jylla baroh kawei.
Shuh shuh la don kiba ong ba ka jingpynbeit jingialang u bah Pynshngaiñ mynta ka sngi kaba dei ka sngi wan Shillong u heh Congress uba peit ia kane ka jylla u C.P Joshi, ka long ba u kwah ban pyni bor ia ka seng Congress ba um patiaw eiei ia ka kam Party, don pat kiba la ong ba ka dei ka jingaidak jong u ba un sa thaw noh la ka jong ka Seng Saiñ pyrthei ka ban mih pyrthei ha u 2018.
Phi don ban ong eiei?