50% kiba wan trei ha ka sngi saitjain

Shillong,8 Nailur:
Ki 10 sengbhalang kum ka dak ka jingiai pyrshah ia ka sorkar namar ka jingbym treh ban pyntreikam ia ka ILP ki la bteng ia ka jingiakhih jong ki da ka pakhang ophis ha kane ka sngi saitjain ba la dep ha kaba bun na ki ophis sorkar ki la khang tala lut ha katei ka sngi hynrei ki don pat katto katne tylli ki ophis kiba la pynlong trei. U principal Secretary ka tnad pohing ka jylla u KS Kropha u la iathuh ba ka jingwan poi trei ki nongtrei ha ka sngi saitjain ka long kumba 50 na ka shispah katba ha kiwei pat ki District ym pat shym la ioh jingtip kaba thikna. Ha katei ka sngi pakhang ophis la iohi jan ha manla ki ophis sorkar ha kane ka nongbah Shillong la pynkhlain ia ki bor pahara da ki pulit jylla bad ki pulit CRP.