50 ki iing baduk sam Blanket ka HANM ha Mawtari

Nongpoh: Ki Nongialam ka Hynniewtrep Achik National Movement (HANM) Ri Bhoi District, hynnin ka sngi ki la leit ban sam Blanket sha ki palat 50 tylli ki longing baduk kiba don ha shnong Mawtari, Mawhati.

Kitei ki nongialam ka HANM kiba la donlang ha katei ka sngi, ki kynthup ia u Bah Pateng Myrsing, President ka HANM, Ri Bhoi, u Bah David Kharjahrin, Chief Organizing Secretary lem bad kiwei ki nongkitkam jong katei ka shnong.

Haba iadei bad katei ka jingleit sam Blanket sha kitei ki Longiing baduk, u Bah Pateng Myrsing, kum u nongialam ba hakhmat ka seng u la pynpaw ia ka jingkmen kaba khraw, ba kum ka seng hi ka la iohlad ban tynrong lem ia ki jingdonkam ki paidbah katei ka shnong bad khamtam eh ia kito ki longiing baduk.