Shillong, 11 Jymmang:
Hadien ba la pyntreikam ia ka mishon ri dohkha, ka Aquaculture Mission ban pynshlur ri dohkha katto katne snem mynshwa, ka sorkar mynta ka la rai sa ban pynshlur ia ka kam ri jingri khamtam ka ri Sniang.
Ka jingialang jong ka kynhun Myntri mynta ka sngi, ka la pdiang ban treikam ia kam ri jingri bad ka ri Sniang ha ka jylla da kaba buh thong ba kan sdang mynta u snem.
Mynta u snem ka sorkar ka la buh thong 50 hajar tylli ki longing ban ioh jingmyntoi na ka ri Sniang bad kiwei ki jingri kum ka ri syiar, ri masi, bad kiwei ki jait sim. Ia kane la iathuh da u Myntri rangbah ka jylla u Dr Mukul Sangma hadien ba la wai ka jingialang ka kynhun myntri.
Ka sorkar ka la mang pisa ruh T.127 klur mynta u snem na ka bynta kane bad ka la buh thong ban pyntreikam ia kane ka thong hapoh san snem kata haduh u snem 2022. Ka la mang tyngka ban pynlut hapoh san snem T. 1088.9 klur.
Ban pyniaid ia ka kam, ka sorkar ka la thaw ia ka Meghalaya Piggery and Livestock Development Society kaban peit bad pyntreikam ia kane ka kam.
U Myntri Rangbah u la ong ba na ka bynta kiba duk, ka jingiarap kan long beit da ka grant katba ia kiba leh kam khaii yn iarap da ka ram. Katkum ka jingiathuh u Myntri Rangbah ka jingthmu ban pynroi ia ka kam ri sniang ka long namar ba ka jylla ka dei kaba bam doh bha ha kaba ka jingdawa doh ka jur bha ha kane ka jylla bad bun la shu wanrah nabar.
U la ong ka jingthmu ka long ruh ban kyntiew ia ka ioh ka kot jong ki nongrep bad ban tehlakam ia ka jingwan tuid ki nongkyndong sha sor ban wan wad kam kaba la wanrah ia ka jingkhapngiah. “Lyngba kane, kan plie lad ia ki briew na nongkyndong ban trei ia ki kam ban kamai bad ban riew spah bad kan pynlong ruh ia ki ban sangeh ban kiew sha sor”, la ong u Dr Mukul.
U la ong ba ka sorkar ka kwah ban pyntreikam ia kane kumba la dawa da ki paidbah bad ha kajuh ka por, kan pynlong ia ki jaka ha nongkyndong ba kin khring ia ki briew ban sah da ka jingmon ym da kaba bym banse.
Ha kajuh ka por, u la kyntait ba ka mishon ri dohkha ka la phiel ha kane ka jylla hynrei, u la pynksan da kaba ong ba ka la iarap ia ki nongrep naduh kito kiba don tang ki jaka kiba rit ruh namar ba ki lah ban shna pung dohkha ban ri ban die pat sha iew bad nalor ka jingpynlong ia ka jingkhwai doh, kaba shi bynta ka la pynmih pisa ia ki.
Nga donkam Pisa ban ri sniang ngam ioh nga kwah Kum ka loun ruh biang lane la da don ba ai scheme ruh long lada long ka ba lah sa phone ia nga ba nga kwah shisha shim i number phone Jong nga 6009054527
Nga ruh nga kwah ia kane ka scheme ri sniang,batai lem ngan leh kumno