5 tylli ki shnong ka thain Nongrim Jirang kin ioh jingmyntoi na ka skim sam umbam ba T. 7 klur

Nongpoh:U Bah Samlin Malngiang, Myntri sorkar Jylla bad uba dei ruh uba peit ia ki kam umbam umdih, hynne ka sngi u la hiar sha shnong Nongrim Jirang, ka shnong kaba don ha khappud Assam-Meghalaya bad kata ka long ban leit buh ia Mawnongrim, na ka bynta ban tei ia ka Nongrim Jirang Combine Water Supply Scheme, ka skim sam umbam umdih ka sorkar pdeng kaba la tip kum ka Jal Jevaan Mission bad ka ban sa sam umbam sha manla ki thliew iing ha ki lai shnong kiba don ha katei ka thain.

     Ki shnong ki ban sa ioh jingmyntoi na katei ka skim umbam, ki kynthup ia ka shnong Jarebasai, Nongrim Jirang lem bad kiwei, namar ka Nongrim Jirang Combine Water Supply, la pynmang pisa haduh T. 6. 80 klur, kaba yn sa pyntrei noh shen bad la kumno kumno yn pyndep ha u 2022.

    Ha katei ka sngi, kaba u myntri sorkar u la hiar sha katei ka jaka, la sakhi ruh da ka jingdon u Bah Sosthenes Sohtun, MLA Jirang, u Bah Victor Rani, MDC Jirang, ka Kong RM Kurbah, Deputy Commissioner Ri Bhoi, ki ophisar na ka tnat PHE, ki nongialam shnong katei ka thain lem bad kiwei.