Shillong: Ka khubor pulit ba la ioh myn hynnin ka sngi, ka iathuh ba ia u chowkidar jong ka Balang Presbyterian Mawkhar u bah Alfast Bareh, u ba la shah kem ha ka sngi saitjain, halor ka jing pyndonkam bakla ia ka pisa jong ka balang kaba kot sha ka T. 3.26 klur, la buh ha along pulit na ka bynta 5 sngi khnang, katba kum ka hukum jong ka Chief Judicial Magistrate.
Ha ka sngi saitjain, ki pulit ka Lumdiengjri ki la leit kem ia u tei u chowkidar na ka iingsah jongu, kaba don ha phyllaw hi jong ka iingmane, halor ka jing ai ejahar daki rangbah jong ka Mawkhar Presbyterian halor ka jingdonkti jong u ban tuh ne pyndonkam bakla ia ka pisa jong ka Balang, kaba kot haduh 3klur 26lak 90 hajar tyngka kaba dei ka pisa jingainguh bad kiwei pat ki jait jingpynmih pisa jong ka Balang ban pyniaid shaphrang ia ki kam jong ka balang.
U tei u bah Alfast Bareh u dei uba trei kum u Chowkidar ha ka Iingmane jong ka Balang Presbyterian Mawkhar,hynrei dei tad haba ki nongialam jong ka Balang,ki la ioh jingtip ia ka jingjah ka pisa ba la donkti da u bah Alfast naduh u snem 2013 haduh mynta 2019,bad mar kumta ki la leit ban ujor da ka ejahar pyrshah ia u ha thanad jong ka Lumdiengjri Police Station.
Katei ka jingtip ia ka jingjah ka pisa ka la poi sha ki shkor jong ki riew ngeit ka balang haba la pynbna ha ka miet jong ka sngi balang ba u bah Alfast u la donkti ban tuhbad kane ka la pynkyndit ia ki riewngeit jong ka balang bad ki la dawa badei ban ujor da ka ejahar pyrshah ia u.
Halor katei ka kam,ki pulit mynta,ki dang pynlong ia ka jingtohkit ban lap lehse lada don kiwei pat ki ba iadonkti lang ban leh iakatei ka kam shukor iaka pisa jong ka Balang.
Bah/Kong,
Ha nga marwei hi te nga sngew ba dei ki nongialam balang hi kiba donkti ha kiba kum kine ki jait kam, namar kumno u chowkidar u lah ban leh haduh kat kumba u la phla? kaei ka Educational Qualification ka jong une u chowkidar? naduh 2013 haduh 2019 u lah ban pynbiang lut hana ia kita ki bank statement etc. Kane kaei kaei baroh ka dei ka kam tuh jong ka Balang Mawkhar, hato balei ka Balang Mawkhar kam ju ai seh ka jingkhein jingdiah ha man ba kut u snem sha ki parabangeit? Lada Em kamut ki mentuh suda kiba bat kam Balang. Lada Hooid pat, ka jingkylli hangne ka mih na balei uta u Treasurer bad u Finance Secretary u ia khia haduh katno kien, tang ban leit thep ia kata ka pisa sha bank ruh um ia lah shuh?
Ha ka Balang sor, ki briew ki shu sngew khain bha ban long nongialam lane ban bat kam kiba heh posts. Hynrei kam don jingmyntoi pat kien lada kim ia lah pyndep hok pat ia ka kam kaba la tynrong halor ki tyrpeng ki jong ki.
Kane ka dei ka jingsneng ruh ia baroh ki dkhot jong ka Balang Mawkhar, nga kwah ban ong kumne iaki “Ko Parabangeit baieid ha u Trai kam don jingmut ba phin ia iam ha ka jingiaseng miet balang kumba la thoh ha ka kotkhubor hadien ba phi ia tip ia kane ka khubor”. hynrei kundit thiah noh mynta to ia rah BALANG bad ia kyrshan dohim dohiap ia ki balang ha kaba phi ia sah. (Nga mut ban ong kumne: Ki don ki longiing kiba ia sah sha Mawlai, Riatsamthiah, Jaiaw, Polo, Langkyrding, Sohryngkham Nongkrem etc etc. ki sah iing lajong te… tangba ki khyllew pat ban leit jingiaseng sha Mawkhar. ki thep jingianguh tharai 50/- ne 100/ marwei kim khien pat ba ka bai kali ka long ar bad lai shah ban ia ka jingainguh ba ki thep, bad kaba sngewsih pat ka long ba kata ka khundiat ne shibun na kita ki ba ai sha ka kam u Blei ruh kam poi sha u Blei. Rah balang sha la ki dong bad ki shnong ha kaba phi la tei ia la ka longiing bad kyrshan ia ki balang ha ki dong bad ki shnong ki jong phi kata ” Lada phi don ka jingsngew khia ban kyrshan ia ka kam u Trai kien, lada phi kwah ba ka 3.26 Crore kan kylla long 6.52 te ka shong pat ha phi.”
Namar hangne nga iohi ba ka Balang Mawkhar kam ju pynbiang ia ki Annual Financial Statement lane ban phah Audit ia ki jingioh jinglut etc etc. ban sa poi kane ka kam pohjait kaduh katne.
Bah/Kong Sngewbha ong seh ia u editor ban thoh pynbha ia kane bad sa publish, ka daw ka long nga ruh nga dei u Presbyterian ban nga iohi ba ha ka balang jong ngi kaba rit ki don ki longiing kiba bun khun bad kita ki khun ki ju smat jingiaseng bha man la ka Sngi U Trai te mynnin nga khien kai lada kiba kum kita ki kyrshan ia k akam jong ka Balang, kine ki Nongtuh kiba Kup Snieh Langbrot kim don hok ban leh kai ia ka pisa u Blei.
khublei
Dei ban dom haba jia kum kine ki kam bym ju poi pyrkhat. Hynrei donkam pat ban tih bniah ia ki jnit ki jnat baroh kiba ia dei kam bad kane. Ka pisa kaba pyndonkam bakla kan long shi bynta ne bun bynta ka bhah jong ka Soh mylleng Mission. Kumta ka Balang ka dei ban thung da ki briew kiba don jing shaniah ym tang ki Tymmen Basan hynrei na ki dkhot jong ka Balang na Mawkhar ban tip kham bniah da baroh da kaba thad madan ia ka jinglap ne shem jong kata ka kynhun wad bniah. Ka Pisa kaba la lum na ka bynta ka Soh mylleng Mission ka dei kaba bun bha, kumta kum u dkhot ka Balang ngi da kwah hir hir ban tip jia aiu. Ngim kwah ba ka Balang Mawkhar kan ia kynduh jingeh kum ka Robert Hospital lane kum ki Balang ha Ri England bad shawei.