5 snem shaneng, hap pynrung kyrteng ha ka Adhar, ban long nong India

Shillong,25 Naitung:
Ka sorkar ka la pyn mih ia ka ain ba thymmai ba dei ban Rejistar bad ban pynrung kyrteng ha ka National Population Register (NPR) khnang ban ithuh ba baroh kiba don kyrteng ha ka NPR ki dei ki nong India.
Ha katei ka jingpyn rung kyrteng ha ka thup jong ka NPR ka sorkar India ka la buh ba baroh kiba kam ia lade ba ki dei ki nongshong shnong jong ka India ki dei ban pynrung kyrteng ha ka NPR naduh 5 snem shajrong. Ia katei ka ain ka sorkar India ka la wanrah katkum ka Provision jong ka Citizenship Act 1955 bad ka Citizenship Rule 2003 kaba mut ban sam ia ki Identity Card sha baroh ki ki nong India.
Ka thong ba ka sorkar India ka la buh da kaba pyntreikam ia ka NPR ka long ban tip bad ban ithuh ia baroh ki nong India bad kan iarap ruh ban pyntreikam bha ia baroh ki scheme bad ki jingmyntoi ba ioh na ka sorkar. Ka jingpyntreikam ia ka NPR ka long ruh kum ka jingioh bat ia ka jingiapher ki nong India bad ki bym dei nong India lyngba ki Identity Card namar ka jingjur palat ka jingwan buhai shnong jong ki nongwei ha ka jaka India.
Ka ingpynrung kyrteng ha ka NPR ka long tang ia kito kiba kam ialade b ki dei ki nong India bad kiba la shong la sah haduh hynriew bnai hapoh India, kumjh ruh ka long na ka bynta kito ki ban dang thmu ban kynriah jaka sah nawei sha India hapoh ka hynriew bnai ha kaba yn air uh ia ki ia ka Adhar nombar ban pynmih kyrteng da ka Unique ID Card.
Kat kum ka section14A, ka long salonsar ia baroh ki nong India ban pynrung kyrteng ha ka National Register of India Citizen (NRIC) ka Citizenship Act 1955. Ki bym dei ki nong India kim lah ban rung kyrteng ha ka NPR hynrei yn pynrung kyrteng ia ki hadien ynda ki la wan phai ban shong ban sah ha India.