Shillong:Ka ophis jong ka Deputy Commissioner, East Khasi hills, ha ka kyrwoh mynta ka sngi, ka pyni ba kito kiba ioh pang covid ha ki lai taiew ba ladep, kiba kynthup naduh ka 28tarik Jylliew haduh ka 4tarik Naitung 2021, ha kaba ki test, ki long 7,948ngut bad kiba ioh pang, ki long 1154ngut lane 14.5 kiba ioh pang, nangta naduh 5 haduh 11tarik Naitung 2021, kiba test, ki long 7,883 bad kiba ioh pang, ki long 879 lane 11.15 percent bad 12 haduh 18tarik Naitung, ki test ki long 7,920 bad kiba ioh pang, ki long 890 lane 11.23 percent.
Ki shnong kiba don ia ka jingpang covid ha sor, ki long 65 percent, ha nongkyndong, ki long 35 percent.
Ka jingbthah jong ka tnat kam poh iing, ka sorkar India, kaba 29tarik Naitung 2021, ha ryngkat bad ka tnat ka koit ka khiah, kaba 12tarik Naitung 2021, ka bthah ban bud ia ki san tylli ki kyndon bad katei ka kynthup ia ka Test-Track-Treat-Vaccinate bad ki kyndon iada COVID, kiba dei ban bud pyrkhing bha.
La ong shuh shuh ba kitei ki kyndon, ki donkam ban shim khia, ba kan nym jia, kumba ka la jia ha U Jymmang 2021, ha East Khasi hills, ha kaba ki jingthiah ki la jan dap lut bad kiba iap ruh ki bun bha.
La ong shuh shuh ba kiba bun kiba leit poi sha hospital bad nangta sa kiba bun kiba iap, na kane ka khlam, ki dei kiba khlem pat dep injek iada corona, katba kito kiba la dep shah injek, ki kham khlain ban iada ialade bad la ong ruh ba lyngba ka jingdon jong kiba la dep injek, kumta kiba ioh pang bad kiba iap ha ki shnong, ki la nang duna shibun.
La ong shuh shuh ba ha ki shnong, kiba don ki nongpang, kiba don hapdeng 5, haduh 9 ngut, lane haduh 10ngut, kumta ka donkam ban don ka jing ia test paidbah, ha kata ka shnong.
Ka dei jingshisha ban test naphang haba la sdang pur kane ka khlam…. peit nuksa ha shnong jong ngi nga tharai ym Duna shuh Sha ka 10-15 ngut ba ngat ha kane ka jingpang hynrei haduh mynta ym pat ioh sngew ban don kum kata ka jingpyrkhat ban test naphang..