Shillong:Haduh kumba 4000 tylli ki kam ba thylli ha ka tnat pulit jong ka jylla Megha laya, yn sa thungkam pura noh mynta ka snem, la iathuh u symbud myntri rangbah jong ka sorkar jylla,u bah Prestone Tynsong ha ka sngi thohdieng.
Ka jingthung kam ha kitei ki jaka ba lait ha ka tnat pulit, kan sa iarap shibun ia ka tnat pulit jong ka Jylla Meghalaya.
Ka jingpyn rung kam ha ki 1000 tylli ki kam ba lait ha ki bynta ba pher bapher ka la iaid shakhmat, la iathuh u bah Prestone Tynsong u symbud myntri rangbah jong ka jylla Meghalaya.
Tang shu lah ban pyndap ia ki jaka ba thylli, ka tnat treikam jong ki pulit ka jylla kan sa lah ban pynbiang ia ka jingduna jong ki pulit, ha ka tnat treikam ka jong ki.
Kumba long mynta ka tnat pulit jong ka jylla Meghalaya ka don kumba 16,000 ki pulit. “Ngi donkam ruh ban pynbun shuh ia ka jingdon jong ki pulit” la iathuh u bah Prestone
Na ka liang jong u Director General of police (DGP) ka jylla pat u LR Bishnoi, u la iathuh, ba ka long ka man jong ka jylla, haba iadei bad ki aiñ ki kanun ki long kiba biang.
Ki kynhun lehnoh kim don shuh kumba long mynta bad ki katto katne ki kynhun, ki don ha ka lynti jong ka jingiakren iasuk, la iathuh u DGP jong ka jylla.
U heh pulit jong ka jylla, u la iathuh ruh ba ka tnat pulit hi ka la pynkhlaiñ ia ka tnat ban peit ia ki jingpynkheiñ ain.
“Ngi la pyrshang katba lah ban khanglad ia ka jingkhaïi tuh ia u dewiong hapoh ka jylla Meghalaya baroh kawei” ong u heh pulit ka jylla.
just like a juke