Shillong: Myn hynnin ka sngi, ka tnad custom ka Headquarter Preventive Team (HPT) ka la ioh kurup kynja na kawei ka trok (UP 53 ET 2607) na ka surok Shillong bye-pass ha ka thain Mawryngkneng.
U Commissioner ka tnad custom, u Bah Isac Kharkongor, u la ong ba ka tnat hadien ka jingioh jingtip ba thikna ka la pynap shrip naduh hynnin ka miet ha katei ka thain bad mynta ka janmiet la ioh ban bat ia katei ka trok kaba dang wan na Tripura bad kaba thmu ban leit pynhap ia utei u kynja sha Assam.
Hadien ka jingkhynra ia katei ka trok la ioh ban kurup haduh 54 song u kynja u ba khia haduh 497 kilo. La kem ruh ia ar ngut ki briew kiba dei u nongniah bad u nongbud jong katei ka trok kiba la tip kyrteng da u Rakesh Singh (40) bad u Rajesh Mina (28).