Sngewkhia ka NBAJAC, halor ka jingduh ding ha ki thain Narpuh

Ka Narpuh Border Area Joint Action Committee (NBAJAC) ka pynpaw ia ka jingsngewsih kaba khraw na ka daw ka jingduh ding ha ki thain Narpuh ha kine ki sngi na ki daw ki bym tip. Ka jingduh light ka ba man ka sngi ha ki thain Narpuh ka long ka jingduh kaba khraw ia ki paidbah nongshong shnong naduh ki khynnah skul kiba don ha ki jingpule, ki PHC, bad ka jingduh nong kaba khraw khamtam ia kito kiba pyndonkam da ka light ia ka  jingshet bad jingtrei jingktah jong ki.

U Bah Minot Sympli U Vice Chairman Ka NBAJAC uba long ruh u Waheh Shnong ka shnong Chiehruphi u pynpaw ka jingsngewsih bad jingsngewdiaw halor ka jingduh light khah khah ha ki Thain Narpuh naduh ka Shnong Nongsning, Mynkre, Chiehruphi bad haduh Ratacherra. u la ong ba ha ka shisngi ngi ioh light tang 20 minit bad ngi la tip kum ki nongshong shnong ba ym don ki Transformer kiba sniew bad don kita kiba leh reparing eiei ha ka jingiadei bad ka MeCEL. Nga ha lade hi nga tip ba ka jingduh light ka jong ngi ka dei ba ka MeCEL ka ai bor ding light sha ki cement factory kiba don ha Thain Narpuh bad ka pynduh pat ia ngi ki paitbah nongshong shnong. Kumta na liang ka jong nga, nga kyntu ia ki bor pyniaid jong ka MeCEL kidei ban pynbiang ia ka bor ding sha ki shnong ki thaw jong ngi khang ba ki briew kiba pyndonkam lyngba ka light kin ioh jingmyntoi.

U Daiapherbha Lamare uba long u Secretary ka NBAJAC, u ong ba Ka jingleh bein Ka MeCEL ka la long palat ia ka thain jong ngi. Ka Load Shedding ka treikam naduh 9:00 PM haduh 12:00 AM ha ki thain jong ngi bad ka MeCEL ka shim kabu da kaba pynduh light bun bun kynta ha ka shisngi, kumta na liang ka NBAJAC lyngba kane ka kyrwoh ka kyntu ia ki bor pyniaid ba ka dei ban pynbiang light kloi sha ki thain jong ngi bad lada ym long kumta ngi na liang ka seng ngim banse wat ban khang tala shisyndon ruh ia ka Sub Station kaba don ha Lumshnong khnang ba kan long ka jinglehrain ia ka Department MeCEL bad ia ka sorkar hi baroh kawei.

Khublei Shibun.

Shri. Daiapherbha Lamare,

Secretary,

Narpuh Border Area Joint Action Committee (NBAJAC).