48kynta, pakhang shnong kaAAYF

Shillong, 6 Jymmang:
Ka NPP Meghalaya State Unit ka la kyrshan ia ka pakhang shnong ka
All A’chik Youth Federation (AAYF)  kaba 48 kynta ha Garo Hills ha ka 19 tarik bad ha ka 20 tarik Jymmang.
“Ia kane ka pakhang shnong la khot ban pyr shah ia ka jingpynjlan ba khlem ain khlem nongrim ia ka por jong ka GHADC da ka sorkar Meghalaya”, la ong u James K Sangma.
Ha ka kyrwoh ba la pynlait u nongaiktien ka NPP u James K Sangma u la ong ba ka NPP ka kyrshan ia kane ka pakhang shnong namar ba ka dei ka jingpyniap ia ka synshar paidbah ba la leh da ka sorkar jylla.
Lah ban kdew ba ka sorkar jylla ka la pynjlan ia ka por jong ka GHADC la ar sien ha u snem ba la dep da kaba ai daw ban plie lad ban pyntreikam ia ka jingiateh bad ka ANVC bad ANVC (B) ban pynbun ia ka jingdon ki MDC ha Autonomous District Council (ADC) ha kane ka jylla.
Hynrei kane ka kam, ka la sahkut haduh mynta namar ba ka sorkar pdeng, kam pat pynkylla ia ka 6th Scheduled kaba donkam ban rah hapoh ka iing dorbar Parliament.