48 tylli ka madan ialehkai shna ka sorkar ha u snem 2014-15

Shillong 19 Nailar:
Ka sorkar jylla ka la shna haduh 48 tylli ki madan ialehkai ha u snem 2014-15 lyngba ka skhim Mission Football ha kylleng ki jaka ha ka jylla. Hynrei haba ianujor bad ka jingpynlut pisa na u snem ba la dep kata jong u snem 2012-13.
Ha ka jingtip lyngba ka ain wad jingtip na ka ophis jong ka State Sports Council (SSC) la pyni ba ka sorkar ka la mang pisa ban pynbha ia ki madan kynjatbol ha kylleng ki jaka. Ki madan ba la pynbha ha East Khasi hills ki long ka Madan Iing Syiem ha Mylliem T. 8 lak, madan Mawlum, Tyrsad T. 12 lak.
Ha West Jaintia Hills ki long ka jingker kynroh ia ka madan ha Amlarem T. 20 lak, pynbha ia ka madan Sahsniang T. 14 lak, katba ha Ri-Bhoi ki long ka jingpynbha ia ka madan Umsaw Nongkharai, pynbha ia ka madan Umlakhar , Marmain, bad ha Mairung kiba la mang mar T. 10 lak kawei ka madan.
Ha South West Khasi Hills ki don ar tylli, kynthup ka jingpynbha ia ka madan Munai bad ka madan Eas Rangasora kiba mar T. 10 lak.
Ha West Garo Hills ki don 19 tylli ki madan ba la shna pynbha bad kine ki kynthup ka madan Didapara T. 10 lak, Dombakre T. 14 lak, Mukdangra T.16 lak, Rerapara T. 15 lak, Gongglangre T. 16 lak, Abima, Selsella T. 10 lak, Zekabari Hr Sec school, T.10 lak, Gonda Apalgre T. 10 lak, Chotcholja T.7 lak, Sonagre T. 7 lak, Adangre T. 6 lak, Koina Dubi T. 6 lak, Bangsidua T. 15 lak, Tokonchi T. 5 lak, Baladinggre T. 10 lak, Arenggre T. 5 lak, Golmangre T. 10 lak, Kashibil T. 5 lak bad ka madan Rongsang Aba T. 10 lak.
Ha South West Garo Hills la shan 8 tylli ba kynthup ia ka Wakka Kama, Betasing T. 10 lak, Gambagre T. 10 lak, Jaluagre (Dopnanggre) T. 12 lak, Dengnakpara T. 33 lak, Boldagre T. 13 lak, Gopinathkilla T. 18 lak, Dakupara T. 15 lak bad ka madan Garagre T. 12 lak.
Ha North Garo Hills la shna pynbha ia 6 tylli ki madan kynthup ia ka madan Rari T. 7 lak, Gabil T. 8 lak, Menadoba T. 7 lak, Tingba Aruak T. 11 lak, ha Manikganj Sec School T. 6 lak, bad ka madan Khera Galram T. 7lak.
Ha East Garo Hills la shna pynbha lai tylli ki madan kynthup ha Rongjeng T. 7 lak, Mangang Bamil T. 6 lak, Jatrokona T. 6 lak.
Ha South Garo Hill la shna pynbha ia ka madan ha Nelwagre T. 5 lak bad ka madan Ramchenga T. 6 lak ha East Garo Hills.
Ka jinglut baroh na bynta kine ki 48 tylli ki jingshna bad pynbha ia ki madan ka la kot sha ka 5 klur tyngka.