Shillong: Ka ophis treikam ka District Magistrate mynta ka sngi ka la pynbna da ka korphiw kaba 48 kynta ha baroh ka nongbah Shillong hadien ba ngat jing pang ‘corona virus’ uwei u doctor uba na ka Bethany Hospital.
Ka korphiw ba 48 kynta kan sdang naduh 6 baje mynstep jong ka 14 tarik iaiong 2020 haduh ban da pyntip da kumwei pat, bad la kyntu ia baroh ki paidbah khamtam hapoh ka nongbah Shillong ba kim dei ban mih na ki ing ban ailad ia ki briew ka tnat ka koit ka khiah ban leh ia kaba donkam kum shi bynta ban tehlakam ia ka jing saphriang ka pang ‘corona virus’ hapoh ka jylla Meghalaya baroh kawei.
Ka hukum ba la mih na ka ophis treikam ka District Magistrate ka la kyntu ba la da don mano mano ba leit donkam hapoh ka Bethany Hospital ha ka lane hadien ka 22 tarik lber 2020 ki dei ban pyntip sha ki bor sorkar da kaba phone ha u number 108 lane leit ha ka website http://neghalayaonline.gov.in/covid
Lahbdei ban lockdown shwa ia ki heh spah ban ia ki 5kilo shibnai ,phah lockdown te kat kiwei bom lathi ia u duk u suk ,ia badon ba riewspah ki ia tah kotlieh wat ha ka iit kali ,kamkai ka ia kynmaw blei ,por ba biang ka por kim ia kynmaw n kynmaw tang ka ktien ka mynsiem pat sha pisa