4,771 ngut kiba ioh covid ha ka Jylla, 2706 ngut kiba koit, 40 kiba khlad 

Shillong:U Director ka tnat ka koit ka khiah u Dr Aman War, u la iathuh ba na ki 4771 ngut ki briew kiba la shah ktah ha ka khlam Covid -19, kiba dang don ia kane ka jingpang ki long 2047 ngut bad 2706 ngut ki dei kiba la ioh ia ka jingkoit ka ba pura bad 40 ngut ki dei kiba la khlad na ka ne ka jingpang.

Ha East Khasi Hills District haduh 3113 ngut ki briew kiba la ngat ha u ne u khniang jingpang bad kiba don don ia une u khniang jingpang ki long 1471 ngut bad kiba la koit ki long 1607 ngut bad kiba la khlad ki long 37 ngut.

Ha West khasi Hills District 64 ngut kiba la ioh ia u ne u khniang jingpang; na kine 13 ngut ki dei ki ba dang don ia u ne u khniang jingpang bad 50 ngut ki dei kiba la koit na kane ka jing pang bad u wei u ba la khlad.

Ha South West khasi Hills District 8 ngut ki briew kiba la ioh ia une u khniang jingpang na kine 6 ngut kiba dang dang shitom bad 2 ngut kiba la koit bad ym shem la don ba khlad.

Ha West Jaintia Hills District ki don 42 ngut ki briew kiba la ngat ha une u khniang jingpang na kine 9 ngut kiba dang don ia ka jingpang Covid -19 bad 33 ngut kiba la ioh jingkoit bad ym don ba la khlad.

Ha East Jaintia hills District ki don 128ngut bad 128 ngut na kine, ki dei ki ba dang shitom,54 ngut ki dei ki ba la ioh jingkoit ba pura bad ym shem don ba khlad.

Ha Ri Bhoi District 368 ngut kiba la ngat ha ka ne ka jingpang na kine 136 ngut ki ba la dang don ia ka jingpang bad 232 ngut kiba la ioh jingkoit pura bad ym shem la don ba khlad.

Ha North Garo Hills District 32 ngut ki ba la ngat ha ka ne ka jingpang na kane 4 ngut, ki dei ba dang don ka jingpang bad 28 ngut ki dei ki ba la ioh ia ka jingkoit pura bad ym shem la don ki ba la khlad.

Ha South Garo Hills District 37 ngut kiba la ngat ha ka ne ka jingpang 6 ngut kiba dang don ia kane ka jingpang 31 ngut kiba la ioh jingkoit ba pura bad ym shem la don ba khlad na kane ka jingpang.

Ha South West Khasi Hills District 37 ngut ki ba la ngat ha kane ka jingpang Covid -19 na kine 15 ngut ki ba dang don ia ka jingpang 22 ngut kiba la koit pura bad ym don ba khlad.

Ha West Garo Hills District 653 ngut kiba la ngat ha ka khlam Covid -19 na kine 107 ngut ki dei ki ba la ioh ia ka jingkoit ba pura bad 2 ngut kiba la khlad na ka jingpang Covid -19.