New Delhi: Ka tnat ka koit ka khiah ka sorkar India, ka ai jingkhein ba kiba ioh pang coronavirus ha India, ki la poi sha ka 46,433 ngut bad ki don mynta 32,138 kiba dang ioh pang bad sa 12,726 ngut kiba la ioh jingkoit bad sa 1,568 kiba iap.
Ha United States, ka jingiap na ka jingpang coronavirus, ka kiew da 1,015 ngut ha ki 24 kynta ba ladep bad kane ka dei ka jingiap kaba duna tam ha katei ka Ri.
Ka jingiap ha ka pyrthei, ka long 2.5 lak ngut bad kito kiba ioh ia katei ka jingpang, ki long 36lak, ong ka khubor jong ka Johns Hopkins University mynta ka step, ha kaba ha United States, kiba iap, ki long 67,000ngut.
Ha Pakistan, ki don 694gut kiba ioh jingpang thymmai bad baroh kiba ioh pang, ki la poi sha ka 20,884 ngut bad sa 476 ngut kiba iap. La iathuh ba kiba ioh pang ha Punjab, ki long 7,646, ha Sindh 7,882, ha Khyber-Pakhtunkhwa 3,288, ha Balochistan 1,218, ha Islamabad 415, ha Gilgit-Baltistan 364 bad ha Pakistan-occupied Kashmir 71.
Ha Maharashtra, ki don 771 ngut kiba ioh jingpang thymmai bad sa 35 ngut kiba iap ha ki 24 kynta ba ladep. Baroh kiba ioh pang ha Maharashtra, ki la poi sha ka 14,541 bad kiba iap ki long 583 ngut bad tang ha Mumbai, kiba ioh pang ki don 9,310ngut.
Phi don ban ong eiei?