448 kiba ioh pang thymmai bad 16ngut kiba iap; trei ka corona, ia 24ngut ki nongtrei ka Dhar Company

Shillong:Kiba ioh pang covid myn hynnin ka sngi, ha ka jylla, ki don 448ngut. Ka East Khasi hills, ka don 152ngut. Kiba iap ki don 16ngut, ha kaba ha East Khasi hills, ki don 9ngut, ha West Jaintia hills 5ngut, West Garo hills bad North Garo hills mar iwei.
Kiba jem na ka jingpang, ki long 507ngut. Baroh kiba dang don ha ka jingpang, haduh mynta, ki long 4,849ngut bad kiba iap, ki la poi sha ka 694ngut.

Na ki 448ngut, kiba ioh pang myn hynnin ka sngi, ki kynthup ia 9ngut ha East Jaintia hills. Ka East Khasi hills, ka don 152 ngut bad kitei ki kynthup ia 4ngut ha Happy Valley, 4ngut ha Lawmali, 5ngut ha Mawpdang, 20ngut ha Mawshbuit, 6ngut ha Nongmynsong, 8ngut ha Nongrim Hills, 4ngut ha Nongthymmai, 4ngut ha Pynthor, 2ngut ha Umthli, 13ngut ha Upper Shillong.

Ka Ribhoi, ka don 31ngut kiba pang. Ka South West Khasi hills, ka don 27ngut, ha kaba 24ngut ki dei ha ka Dhar Company.
Ka West Jaintia hills, ka don 17ngut bad ka West Khasi hills, ka don 25ngut, ha kaba 10ngut ki don ha Nonglang bad 7ngut ha New Nongstoin.