Shillong, 15 Lber:
U myntri rangbah ka Jylla, U Mukul Sangma, u iathuh ha iing dorbar mynta ka sngi, ba ki don 42 tylli ki kam kiba lait, na ka bynta ki MCS bad sa 15 tylli na bynta ki MPS. Haba jubab ia ka jingkylli, ba la leit rah da U Dr Donkupar Roy, nongialam liang pyrshah, U Sangma, u iathuh ba na bynta ka kam MCS, la aiti ha ka Meghalaya Public Service Commission, ba kan pyniaid ia katei ka kam ban jied ia ki MCS, katba ia ka kam MPS, ka jingpynkhreh, ka dang iaid shakhmat ban jied bad thung ia kitei ki heh pulit.
La iathuh shuh shuh u myntri rangbah, ba ka sorkar Jylla, ka dang shu dep pynkhreh ia ka syllabus, na ka bynta kiba ialeh MCS bad kumta, ka dei ha ka 6tarik Lber 2017, ba ki dang pyntip sha ka MPSC, na ka bynta ba kan sdang ban jied noh ia ki MCS. La iathuh shuh shuh u myntri rangbah, ba ka jingjied ia ki MCS nangne shakhmat, kan iapher, na ka jingjied ia ki MPS.
U Bah Paul Lyngdoh, ula kylli, ba ka jingailad ia kiba pass MPS, ba kin leit sha ka MCS, ka lah ban ktah ia ka jingkiew kyrdan jong kito kiba wan beit na ka jingialeh eksamin MCS bad halor kane u myntri rangbah, u ong ba kito kiba jop ia ka eksamin MPS ruh, ki lah ban rung sha ka MCS, tangba ka sorkar, ka peit ba kan nym ktah pat halor ka jingkiew kyrdan jong kito kiba la nang shah jied kham ha shwa.
Ha kawei pat ka phang, U Bah Paul Lyngdoh UDP, u la ujor ba ki pulit, kim ju don satia ha ki surok bah jong ka sor, hadien ka 8baje janmiet bad halor katei u myntri kam poh iing, u ong ba ki pulit, ki don beit baroh shimiet shi sngi, tangba ki dei ki pulit kiba iaid lane kiba ki ong ki flying squad.U myntri, u iathuh ba ki pulit, kiba don ha ki kam jongki, ki sdang naduh ka por 7baje mynstep haduh 1 baje nohsngi bad nangta, kiba naduh 1baje nohsngi, haduh ka por 8baje janmiet. U bah Paul, ula ai jingmut ia u myntri kam poh iing, U Bah HDR Lyngdoh, ba un buh pulit ha ka por mynmiet ruh, namar ba ki don bun ki briew, kiba iaid ba ieng haduh ka por shiteng synnia ruh.
Kwah kam any