42 ngut ki high risk na East Khasi Hills, 61 ngut kiba na Star Cement Factory

Shillong: U Dr. Aman War, DHS(MI) u iathuh ba na ki 172 ngut kiba ioh ia u khñiang jingpang COVID-19 ha ka jylla, ha East Khasi Hills ki don 74 ngut bad na kine, 42 ngut ki dei ki high risk contact, 21 ngut ki dei na ka armed forces, 4 ngut ki dei ki health worker, 4 ngut kiba wanphai na shabar bad 3 ngut ki dei ki SARI case.

Ha East Jaintia Hills ki don 61 ngut bad baroh ki dei na ka Star Cement ha Lumshnong. Ha North Garo Hills don tang iwei iba dei i high risk contact. Ha south Garo Hills i don tang iwei iba wanphai na shabar

Ha South West Garo Hills ki don arngut kiba wanphai na shabar. Ha West Garo Hills ki don 9 ngut bad baroh kidei ki Armed Forces. Ha Ri Bhoi district ki don 23 ngut bad na kine, 21 ngut kidei ki high risk contact bad arngut ki health worker bad ha West Jaintia Hills don tang iwei iba dei i high risk contact.