Ka Manchester City, ka la pynjem khnap ia ka Southampton ha ka jingialehkai Premiere League hynnin ka sngi, ha kaba ka la ioh thep da 6-1. U Rahim Sterling, uwei na ki snar ialehkai ka City, ula ioh thep ar sien bad nangta U Sergio Aquero, ruh ula ioh thep shi kol bad nangta U David Silva bad sa kawei ka kol, kaba la kum thep hi, da u nongialehkai ka Southampton bad sa ka kol, kaba la thep da U Sane ha ka minit kaba 91.
Ha kawei pat ka jingialehkai Chelsea, ka la pynliem ia ka Crystal Palace da 3-1, ha kaba la ioh thep ia ki kol na ka liang ka Chelsea, da U Morata ar kol bad nangta sa U Pedro shi kol.
Ha shwa jong kata, ha ka Sngi Saitjain, ka Liverpool, ka la ia khaid pyrshah ia ka Arsenal, ha kaba ki ia thep mar shi kol.
Kat haduh mynta ka Manchester City, ka wan ha khmat duh, da kaba ka ioh 29 point, katba ka Chelsea ka wan ba ar, da kaba ka ioh 27 point bad ka Liverpool ruh ka ioh hi 27 point.