Lucknow/New Delhi: Ka Uttar Pradesh, ka dei ka Jylla, kaba nyngkong eh ban pynrung nongshong shnong ia ki poiwir, ha ka kyndon jong ka ain Citizenship Amendment Act. Kitei ki poiwir ki don ha ki 19 tylli ki District jong ka Uttar Pradesh bad kitei ki dei ki poiwir Hindu suda bad kitei ki don kumba 40hajar ngut ki bym dei satia ki niam Muslim bad 30 haduh 35 hajar ngut ki dei tang na Pilibhit District.
U Shrikant Sharma, myntri ka sorkar Uttar Pradesh, u iathuh ba la bthah ia baroh ki District Magistrate, ba kin iaid shakhmat ban lum ia ki jingkhein kiba biang bad ia kitei, yn nang kyntiew shuh ia ki kyrteng ha ka thup ban pyn kylla nong India.
Kitei ki 40 hajar ngut, kiba bun eh ki don na ki 19 tylli ki District jong ka Agra, Rae Bareli, Saharanpur, Gorakhpur, Aligarh, Rampur, Muzaffarnagar, Hapur, Mathura, Kanpur, Pratapgarh, Varanasi, Amethi, Jhansi, Bahraich, Lakhimpur Kheri, Lucknow, Meerut bad Pilibhit. La iathuh ba kitei ki poiwir, kiba bun eh ki dei na Pakistan.
Phi don ban ong eiei?