4 tarik yn khih win ka Pynursla

Shillong, 1 Jylliew:
Ka Parking Lot ha Pynursla kan khih win ha ka janmiet 4 tarik mynta u bnai namarba u lahduh ha ka Meghalaya Superstar u bah Janis Khongsdir un ai khublei ia ki paidbah ka thaiñ Ri-War Mihngi da ka sur jingrwai namar ka jingkyr shan radbah jong ki ha ka por ba u don hapdeng ka jingiakhun ban ioh rah ia katei ka nam. U bah Janis un ai khublei da kaba pynlong da ka Concert ha ka janmiet 4 tarik mynta u bnai kaba dei ruh ka sngi iew Pynursla.
Katei ka Concert kan sdang ha ka por 4:30 baje ha Parking Lot , Pynursla. Ha katei ka sng nalor u bah Janis kin don ruh ki kaitor ka thaiñ ri-War Mihngi ba kynthup ia u simpah simsong ka thain Ri-War u bah Anthony Kongwang, kiwei pat ki nongrwai ki ban ia donlang ha katei ka sngi katkum ka jingioh lum jingtip ki long u bah Onlin Khongñiur, Kermon Suting, u bah Korshon Khongjee,bah Marshal Khongstid, bah Priem Khongngai,Ibarihun Khongsdam, bad u Kyrpad Khongsdam.