Shillong, 2 Rymphang:
U President, Megha-laya’s Talent Search Organisation u la pyntip paidbah ba ia ka Grand Finale jong ka Megha-laya’s Got Talent Season-2 yn pynlong ha ka 4 tarik u rymphang ha Aurobindo Hall, Bivar Road, kaba don shadien ka ingsah u Lat, yn pynlong naduh ka por 2 baje shajrong. Ha katei ka rynsan ia kob pyni sap kin don 11 ngut ki riew donsap ki ban ia knieh ia ka nam lahduh. Ki nongjop ha katei ka jingiakob kin ioh ia ka khusnam kaba T.2 lak tyngka, kiba wan ba-ar kin ioh T.70 hajar tyngka bad uba lai T.30 hajar tyngka.La pyntip ba ka plie paidbah ia ka jingthep vote bad lah ru ban vote lyngba ka page ha face-book ka “Meghalaya’s Got Talent Season – 2″ da kaba nion ia u ‘Like’ ia ka video ki nongiashim bynta kum ka jingkyrshan ia ki.
Phi don ban ong eiei?