Shillong, 11 Jylliew:
Mynta ka janmiet ha ka por 4:30 baje eiei ka trok jong ka tnad home Guard ka la thung khong pong ha Mawrong kaba hap ha Umsning Out post. Ha katei ka jingjia saw ngut ki pulit Home Guard ki la iap hashen. Kiba la iap ki dei kiba la tip kyrteng kum u Mohon Rabha, u Shankar Chettri, u Hemol Sangma bad u Bitterly Syrling.
Ka jaka ba hap katei ka trok, ka dei ha kawei ka khun kaba don ha ka shnong Mawrong, Ri Bhoi Distrik katba ka dang wan phai na katei ka shnong ban leit sha Shillong. Ia katei ka trok la niah da u nongniah kali ka tnad Home Guard u bah N.Pariong. Kitei ki pulit Home guard kiba don hapoh katei ka trok, ki dei kiba la leit ban lum diengiap na ki khlaw ka Mawrong na ka bynta ka Border Wing Home Guard Battalion Mess, Mawdiangdiang. Ia ki metiap la pynkit sha Civil Hospital, Shillong bad ka jingtohkit ka dang iaid shakhmat.
Phi don ban ong eiei?