4 kynta na Dawki sha Umsyiem

Shillong, 13 Risaw:
Katba nangmih ki sngi ka jingdheng ha surok Dawki ka la nang jubor, ha kaba la iathuh ba mynta ka sngi lei ka shim por haduh 4 kynta ban iaid lynti na Dawki sha Umsyiem. Kumba ka long baroh shi katta na Dawki sha Umsyiem lada slem eh ka bam por tang kumba 20 minit eiei.
U Sordar ka Mukertila u bah Phren Kongwang uba sahkut lynti haduh saw kynta u la iathuh ha u Rupang ba u la mih na Dawki ha ka por 2 baje nohphai sngi ban leit sha shnong la jong Umsyiem, hynrei u la poi ing haduh ka por 6 baje janmiet. Utei u sordar u la bitar ia katei ka jingdheng kali kaba man ka sngi bad u la iai pynkynmaw shi pynkynmaw ia ka sorkar ba ka dei ban leh eiei noh hynrei haduh mynta ruh ym pat ioh jubab eiei.