4 ki jingbret khyllung, kawei ka jingpyniap dowry ha Shillong

Shillong:Ka nongbah Shillong bad ka jylla Meghalaya kam dei shuh kaba lait na ki kam runar bad ki kam pyniap briew.

Katkum ka rekod na ka tnad pulit, ki don 72 tylli ki kam pyniap ha u snem 2022 ha kawei ka jylla katba kiba pyrshang ban pyniap ne shim ia la ka jingim, ki don 46 tylli.

Ha kane ka jylla ka don ruh kawei ka jingshah pyniap na ka jingdawa bai shong kurim ne Dowry ha utei u snem bad 4 tylli ki jingjia ba bret khunlung. Kaba kham shyrkhei shuh shuh, ka long ba ki don haduh 139 tylli ki kam rahbor ha katei ka snem, katkum ka rekod na ka tnad pulit kaba la pynmih ha ka website bad ar tylli ki jingjia ba die ne pyniaid iew ia ki briew.
Ka la don ruh 75 tylli ki jingjia ba bat tnga jubor bad kumba 20 tylli kiba thmu ban bat jubor ha utei u snem ha kylleng ka jylla.

Ka kam tuh ka don haduh 925 tylli ki jingjia kiba la rejister ha ka tnad pulit. Ki kam thok kam shukor ki don haduh 363 tylli ha utei u snem.

Napdeng baroh ki district, kaba bun tam ki kam runar, ka dei ha East Khasi Hills kaba sakhi haduh 1217 tylli ki kam runar bud sa ka West Garo Hills kaba don haduh 498 tylli, bud ka Ri Bhoi 374 tylli ha u snem 2022. Baroh ki jingjia kam runar ha u snem 2022, kila kot sha ka 1914 tylli bad ka dei ka jingjia kaba jubor ha ka jylla kaba rit kum ka Meghalaya. Tangba katkum ka rekod, ki kam runar ki kham jubor ha u snem 2021 kaba la kot haduh 2672 tylli ki jingjia.
Kane ka jingkhein, ka pyni ba ka jylla Meghalaya ka la jubor bha ha ki kam beain, ki kam runar bad kam duna shuh ban ianujor bad kiwei ki jylla.