3tarik, yn plie noh ia ka iew khappud, ong U DC West Jaintia

Shillong: Ka Foregin Trade Chamber of Commerce Meghalaya (FTCCM), ka Seng ki nongkhaii Exporter importer kaba heh bad kaba la rim ha kane ka thain, ka la ia kynduh ia U DC West Jaintia hills District, mynta ka sngi, ka 28 tarik jylliew bad na ka liang ka FTCCM, ka la ia kren bad kyrpad ia u DC ban plie biang noh ia ka iew khappud, lyngba ka Dawki LCS. Ka FTCCM, ka la ong ba ha dien ba ka sorkar ka la khang dam bun ki briew ka thain, ki la im kyrduh bad tyrkhong naduh kiba rit haduh kiba heh, kumta da ka jingplie biang ia ka iew khappud export import, ha pdeng ka Bangladesh bad ka India kan long ka jingkyrkhu bad jingkmen ia ki hajar ngut ki paidbah ka thain kiba im ja kpoh, na kane ka iew khappud na duh ki nongshong dukan ki nongñiah Kali ha duh ki nongbylla sngi bad wat ka Sorkar ruh ka ioh khajna shibun na Kane ka iew khappud.

Kumta na ka liang u DC hadien ba u la pynshong nongrim iaka jingiakren, u la sngap ia ka jingud ka Seng bad u la ong kumba ka long mynta ka sngi, ka jingpang Covid 19 ka la hiar ha kane ka thain bad u DC u la ong ba u lah ban pynmih hukum, noh ha ka 3 tarik Naitung, ban plie noh ia ka Border trade da kaba iaid lyngba ka SOP, lada jia ba ka jingpang covid kam kiew shuh, ha ki sngi, ki ban sa wan. Ka Seng ka kyntu bad kyrpad ruh iaki exporter, ki driver truck bad ki manager ban ai tika injection khnang ban lah ban iada ia ka jingpang khlam Covid 19, ong ka kyrwoh na U bah Daniel khongsit Secretary bad U Bah Richard Pohlong, President FTCCM.