![](https://www.urupang.com/wp-content/uploads/2023/10/DSC00689-3.jpg)
Shillong:Ka seng Hynniewtrep Achik National Movement ne ka HANM kan pyn long da ka jingiakhih ha Jantar Mantar ha nongbah Delhi ha ka 3 tarik u naiwieng 2023. Katkum ka jingtip kaba la ioh lum la iathuh ba ka HANM ka la ioh jingbit ban pynlong jingiakhih tang 3 kynta kata naduh ka por 2 baje nohphai sngi haduh ka por 5 baje janmiet. Da ki spah ngut ki dkhot jong kane ka seng ki la pynkhreh ban her sha Delhi ban ia shim bynta ha katei ka jingiakhih bad nalor kata kin don ruh sa ki Khasi kiba shong basah ha Delhi ki ban wan ban ia snohkti lang.
Ka HANM hapoh ka jingialam jong u President rangbah jong ka u bah Lamphrang Kharbani dangshen ka la leit sha Delhi ban leit ai shithi sha ka President jong ka India ka Draupadi Murmu, sha u Myntri Rangbahduh ka Ri u Narendra Modi, sha u Myntri khynnah ka sorkar pdeng u Kiren Rijiju , sha u Myntri ka tnat kam pohiing u Amit Shah bad sha kiwei pat ki MP ba kynthup ia u MP ka Rajya Sabha u Rakesh Sinha ban pynsngew ia ki mat jingdawa jong ka.
Kane ka seng ka buh lai tylli ki mat jingdawa hakhmat jong ki, kata ban pyntreikam noh ia ka Inner Line Permit hapoh ka jylla Meghalaya, ban pynrung noh ia ka ktien Khasi ha ka khyrnit kaba phra jong ka riti Synshar ka Ri India bad ban pynbeit noh ia ka jingiakajia pud hapdeng ka Meghalaya bad ka Assam.
Phi don ban ong eiei?