38 tylli ki kynhun thaw phlim bollywood, ki la leit ujor sha Kashari, ia ar tylli ki news channel, halor ki jing kynnoh ba ki la kren jot than ia ka kynhun ki nongthaw phlim.
Kitei ki 38 kynhun, ki kynthup ia ka Karan Johar’s Dharma Productions, Ajay Devgn Films, nangta ka kynhun U Salman Khan, U Aamir Khan bad U Shah Rukh Khan. Kitei ki la ujor ha Delhi High Court pyrshah ia ka Republic TV bad ka Times Now bad kumjuh ia ki ediktor jongki, halor ki jingkynnoh kiba pyn jah burom ia ka kynhun ki nong pynmih phlim.
Katei ka jing ujor, ka dei pyrshah ia U Arnab Goswami, U Editor In Chief jong ka Republic TV bad nangta ia U Pradeep Bhandari, Consulting Editor jong ka Republic TV bad nangta ia ka Times Now Group Editor, ka Navika Kumar.
Ki nong ujor, ki leit rah ia ki kyndon jong ka Programme Code, katba kum ka Cable Television Network Rules, 1994 bad ki dawa ba dei ban weng noh ia baroh ki jingkren pynjah burom ia ka kynhun jong ka Bollywood.
Kiba leit sha High Court, ki kynthup ruh ia ka Film & Television Producers Guild of India (PGI), Cine & TV Artistes’ Association (CINTAA), Indian Film and TV Producers Council (IFTPC), Screenwriters Association (SWA), Aamir Khan Productions, Ad-Labs Films, Ajay Devgn Films, Andolan Films, Anil Kapoor Film and Communication Network, Arbaaz Khan Productions, Ashutosh Gowariker Productions, BSK Network and Entertainment, Cape of Good Films, Clean Slate Filmz, Dharma Productions, Emmay Entertainment & Motion Pictures, Excel Entertainment, Filmkraft Productions, Hope Production, Kabir Khan Films, Luv Films, Macguffin Pictures, Nadiadwala Grandson Entertainment, One India Stories, R S Entertainment (Ramesh Sippy Entertainment), Rakeysh Omprakash Mehra Pictures, Red Chillies Entertainment, Reel Life Productions, Reliance Big Entertainment, Rohit Shetty Picturez, Roy Kapur Films, Salman Khan Films, Sikhya Entertainment, Sohail Khan Productions, Tiger Baby Digital, Vinod Chopra Films, Vishal Bhardwaj Pictures and Yashraj Films.
Kitei ki nong ujor, ki pyni ba kitei ki telebishon, ki tohkit hi dalade pyrshah ia ki kynhun bollywood, da kaba ki kynnoh ruh ba ki dei, kiba donkti ha ki kam beain ba har rukom bad la kynnoh ba kitei ki ar tylli ki channel, ki pynbudnam ia ki kynhun bollywood, kum ki nong khaii droks, ki nong pyniap briew bad kiwei kiba pynjah burom ha khmat u paidlang ka Ri India baroh kawei.
Phi don ban ong eiei?