Shillong: Ha ka 15tarik mynta u bnai, ki pulit jong ka West Jaintia Hills, ki la ioh kem ia ki nongkhaii droks kiba wan na Guwahati bad kiba mut ban leit sha Silchar.
Ki pulit ki la ioh ban bat ia ar tylli ki Scorpio ha ka por 10.20 baje mynmiet ha Ialong, ha kaba ki la ioh bat ia ki kali kiba don number MN 01 – AK 6984, kaba rong lieh bad kawei pat kaba don ia u number MN 01 – X 8542, kaba rong iong.
U droks, uba la ioh kurup da ki pulit na Ialong, ha nongbah Jowai, ha ka miet Sngi Thohdieng.
Ha ka jing khynra la ioh kurup ia 67 song, ha kaba hapoh jong katei ka jingsong, ki don shiphew song kiba la sop bha bad nangta ki don sa 100 song ki tablet bad haba khein lang ia baroh ki jing ioh kurup ia kitei ki droks, ki don 67,000 tylli ki tablet. Nangta la ioh kurup ruh ia ka pisa kaba T.2,96,065 na kitei ki ar tylli ki kali.
La kem ruh ia kitei ki nongkhaii droks, kiba kyrteng U M Sianzathang Zou (35), U Chinsunlam Zou (27), U Zou, U Mangminthang Zou (29), ka Niangnu Zou (39), U Pawhawi Zou (31), U Thangboi Zou (27), ka Ngehnu Zou (18) bad kawei ka khynnah kynthei kaba dang 16snem ka rta.
La iathuh ba utei u droks, u dei uba la wan rah na Myanmar lyngba ka Moreh bad ka dor jong utei u droks, kan poi sha ka T.1.34klur ban die ha iew ha hat.