Shillong:Ka Meghalaya High Court, mynhynnin ka sngi, ka la shong bishar, halor ka jingkhapngiah jong ka nongbah Shillong bad na shibun ki mat, kiba la iakren, ki kynthup ha kaba kynriah ia ki nongdie madan, kaba pynbeit ia ka iaid ka ieng ki kali, kaba pynbiang ia ki jaka ieng kali bad ban pynlong ia ka nongbah Shillong, ka nongbah kaba khuid bad kaba itynnad katba kum ka jingpynbeit ryntih.
La iakren ruh halor ka jingpynkhreh jong ka sorkar jylla, kaba ha ka 28tarik Risaw 2024, kaba la leit rah ha katei ka kashari, ha kaba ka sorkar jylla, ka la peit bniah ia ka jingdon ki nongdie madan bad ba la dep jied ia ki 25 tylli ki jaka ba ki don ki nongdie madan bad kiba dei ban pynkynriah ia ki 1,400ngut ki nongdie madan bad ba la dei ban pynkynriah noh, naduh ka 7tarik Rymphang 2025.
Nangta la iathuh ba la thaw ruh ia ka komiti ba kyrpang, na ka bynta ban peit ia ka leit ka wan ki kali ha ha Sardar Traffic Branch, Lumdiengjri, Laitumkhrah, Madanrting, Rynjah, Mawlai bad Laban bad katei ka komiti kan ai jingmut na ka bynta ki jaka ieng kali bad ki bym bit satia ban ieng kali, da kaba kan iatreilang bad ki dorbar shnong.
Nangta la ai pynkhreh ruh ban pyniaid ia 35 tylli ki bos, kiba biang lut nadong shadong ba kin iaid kamai ha Shillong, na ka bynta ban pynduna ia ka jingiaid ki kali jong ki riew shimet bad la iathuh ruh ha kashari, halor ka jingpyndonkam ia ki bos ban leit shaw bad leit on ia ki khynnah skul, ha kaba ki don mynta 29 tylli ki bos bad kiba dap pura ban leit on bad leit shaw ia ki khynnah skul.
La bthah ia ki bor pulit, ba kin khanglad ia ki nongdie madan ha ki rud surok bad nangta ban dain kuna ia kito kiba pynieng kali thurmur bad kiba pynkhein ia ki kyndon pyniaid kali.
Bos shi Bos tang ki to barim tip ki jah sha ei jingshisha. lada repair da ki to barim ki dang long khnang ba ka pisa sorkar meghalaya ruh kan kham Duna ka jinglut pynban ki shu leh Kai i kaboong ienlla ka pisa state, 20 haduh 30 lak kan sa kot ka wei ka bos lada repair pat 10 lak ka wei la tiptop….
Tang ka jing ai mut namar nga isynei ia ka state ha ka jing kordit ram shi ram kat dang iaid ki por ka ram ka nang bun tip haduh ban da poi 2030 te ym tip shuh au kan Jia…lada ki kmie ki kpa kym nang ban pynbeit ia long ing sha ei ka lawei Jong ki khun…Kane dei tang ka jing ai buit lada phi sngew iahap ne em khublei shibun