3,4 bnai shisien, ioh bai thang ding sha thain Sumer, ujor ka EJNC

Shillong:Mynhynnin ka sngi, ka East Jaintia Natio nal Council (EJNC) Sumer Circle hapoh ka jingialam u Sakilan Chyrmang President EJNC- Sumer Circle, ka la leit ban buh da ka jingujor ha u SDO bad u Engineer ka MePDCL Khliehriat ha ka jingiadei bad ka bai thang ding ilektrik bad u smart metre.

Ka seng ka iathuh ba ki nong shong shnong, ki lyngngoh ban iohi ba ka bill ka wan shisien 3,4 bnai bad kane ka buh jingeh ia ki paidbah jong ka thain Sumer, ba kynthup ia ka Samasi, Mynthning, Mynthlu, Laksein, Krem myrsiang.

Na ka liang jong ka ophis, ki la kular ban shimkhia ia kane bad ban leh da kaba tyngeh ia ki nongsam bill kiba leit ai khlem biang por. Na ka liang ka seng ka la dawa jur ba iaka bill dei ban wan ai man la u bnai bad ia u smart metre ruh dei ban ai jinghikai sha kito ki shnong ki bym pat sngewthuh ia ka jingtreikam jong u.