Shillong:Lyngba ka jing lam khmat U Justice Mohammad Yaqoob Mir, U Chief Justice ka Meghalaya High Court, kumta ka Meghalaya State Legal Services Authority, ka la pynlong ia ka Lok Adalat, ha ka 14tarik Naitung 2018 ha kylleng ka Jylla, ha kaba la pynlong ha High Court ka Meghalaya, ha ki District Court, ha ki Sub Divisional Court bad ha ki District Council Court ha Shillong, Jowai bad Tura ruh.
Ha katei ka jingshong bishar, la shim bishar ia 1,751 tylli ki mukotduma, ba kynthup ia ki criminal bad ki civil case, kaba kynthup ruh ia ka jingsiew ram sha ki Bank bad kiwei dei bad la lah ban pynbeit ia 329 tylli ki mukotduma, ha kaba ka jing ia beit, ka la poi sha ka T. 80,46,203, ong ka kyrwoh na U bah W.Diengdoh, Member Secretary ka MSLA.