32-34 sha ka Congress ha u 23, ong ka kong Ampareen

Shillong:Ka kong Ampareen Lyngdoh, MLA jong ka seng Congress, ka ong ba ym tang ha ka party Congress, hynrei kiwei kiwei ki party ruh ki don ka jingiapher jingmut hapoh ing jong ki.

“Ha ka por ba ka party UDP ka don ka jingjied President ka la don ka jingiatai hapdeng jong ki, ha ka ba lai ngut ki ia leh pyrshah iwei ia iwei. Ha ka party BJP ruh haba ai minister ia uwei, la dom uwei, ai minister ia uwei uwei u la dom, la mih sa ka khana ba un sa leit pyniasoh noh sha kawei ka party” la ong ka kong Ampareen. Ka la ong ruh ba u Dr Mukul Sangma, u ba dei u nongialam jong ka liang pyrshah, u dang dei ruh u nongialam ka Congress Ligeslative Party (CLP) bad haduh mynta khlem pynduh ia u na kine ki kam artylli, hynrei ka seng Congress kumba long lang kiwei kiwei ki seng ruh ka ju don ar kynhun kawei ka dei ka ba peit ia ka kam party bad ka wei ka dei ka ba peit ia ka kam shynshar khadar.

“Hynrei ban ong ba ka Congress kan kut noh tang na kane ka jingiapher jingmut kan long ka ba bakla, ngin sa ia peit yn da la kut u 2022 katno ngut ki ban ia mih na kano ka party’ ka la bynrap shuh shuh.

“Nga kyrmen ba ha u snem 2023, ngin ym duna ia ka 32-34 tylli ki seat ka Congress kan ioh bad lada u bah Vincent H Pala,u Dr Mukul Sangma bad ka kong Ampareen Lyngdoh kin ieng ha ka juh ka ryngsan ngi kyrmen ba ka jingkyrshan ka ba pura kin ioh na ki paidbah” ka la ong.