31tarik, “ia shad” shiteng synnia ha Khyndailad

Shillong, 29 Nohprah:
Ka sorkar jylla lyngba ka tnad Arts and Culture, kan pynlong ia ka ka Shad shiteng synnia ha ka sien kaba nyngkong eh ha Khyndailad, katei ka shad shiteng synnia kan long ha ka miet jong ka 31 tarik u nohprah ban pdiang sngewbha ia ka jingwan u snem thymmai.
Ha katei ka jaka kan don ka rynsan kaba la shna kyrpang ha ki kyndon ban kiew sha ka Ing Dorbar Thaw-ain kaba rim bad kan don ruh ka rynsan kaba la pynkhreh janai bha ia ki nongtem nongput bad ki nongpeit kiba kwah ban ia shad pynshongshit. Kin don ki kynhun nongtem bapher bapher ki ban pynshongshit ha katei ka miet shiteng synnia.
Ka jingthmu ba ka sorkar jylla ka pynlong ia katei ka shad shiteng synnia ka dei ban wanrah ka jingiatylli hapoh ka jylla , khnang ba ki briew jong kane ka jylla kin don hapoh jong ki ia ka mynsiem sngew trai ia la ka jong ka nongbah, ka jingthmu ka long ruh ban pynkhlain ia ki prokram pynjyrngam bad ban leh khuid ia ka jylla.