30tarik yn pyllait paidbah ia ka thup jingrwai ki Tarik

Shillong, 21 Nohprah:
Ka kynhun rwai kaba don lain gut ki dkhot kaba la tip kyrteng kum ka ‘Tarik’ kan pyllait paidbah ia ki thup jing rwai jong ka ha ka 30 tarik mynta u bnai ha Savio Hall, Laitumkhrah hangne ha nongbah Shillong.
Ki thup jingrwai ba katei ka kynhun kan pyllait paidbah kin dei kiba la tip kum ka Khanatang,ka Parking Lot bad ki Mawbynna Dewbilat. Ia kitei ki jingrwai la rikod ha DIY bad la pynbit pynbiang da ka Blue Monk Studios Inc, Kolkata. Kate ka kynhun ka don lain gut ki dkhot ba kynthup ia u Wanphrang Diengdoh, u nongtem base bad u nongrwai, nangta u Valte Chongthu (Balu) u nongtem guitar bad u Nikolaus Gerold (Klaus) u nongtem drum na Gernany. Ia katei ka kynhun la seng ha u snem 2011 bad ki dkhot jong katei ka kynhun ki la ong ba ka jingrwai jong ki ka ia hap bad ka rukom kylla ha kane ka juk mynta na kaba rim sha kaba thymmai kum ka jingtei maw bynna da ka dewbilat.