3000 ki tiket la dep die, sangeh tem ka Fire House

Shillong, 11 Nohprah:
U bah Arwanki Sumer, u Rangbah Shnong ka Panaliar , Jowai u la pyntip ba haduh mynta ki nong pyniaid ia ka tamasa tem jong ka kynhun tem ka Fire House ha Panaliar ki la dep die haduh 3000 tylli ki tiket hynrei katei ka kynhun tem kam shym la lah ban wan poi ha ka sngi ba la buh kata ka 12 tarik u nohprah. Ka daw ba katei ka kynhun tem kamshym la lah ban wan poi sha Jowai ka dei namarba ka Visa jong uwei na ki dkhot jong ka, ka la shah kyntait noh kumta la pyntip sha ki ba kin pynkynriah noh shuwa, hynrei u la ong ba mynta ka step ha ka por 10 baje ka Visa jong u ka la long bad la pdiang ia ka tangba ka pork am shah shuh bakin wan beh sha kane ka jylla. U bah Sumer u la ong ba la buh sngi biang sha ka 19 tarik u nohprah ban pynlong ia katei ka tamasa, ki nongpyniaid ia katei ka tamasa ki la pan map na ki paidbah namar katei ka jingbym biang.