Shillong: Ka jingpyndait ia ki kor ring dur khih ne CCTV kiba khlain bor ha kylleng ka nongbah Shillong, ka la iaid shaid shaid mynta.
Lyngba ka Smart City Projek, yn pyndait kumba 300 tylli ki CCTV ha kylleng ka nongbah, nalor ka ka Integrated Control and Command Centre (ICCC) ban buh ha IT Park ha Sor Shillong Thymmai, ban peit pyrman ia ki jingjia kylleng ka nongbah ha ka jinglut kaba T.150 klur.
U myntri rangbah ka jylla u Conrad K Sangma u la ong ba ka jingpyndait ia kine ki kor ring dur khih kiba khlain bor, ka la iaid bad kine ki kor ki lah ban ring ban ithuh ia ka dur ka dar jong u briew khlem da byrngut byrnget shuh.
Kine ki 300 tylli ki kor ring dur kin iarap ban tehlakam ia ki riew sniew.
“Kin don kumba 300 tylli ki camera ban pyndait ha baroh kawei ka Sor bad kine kin khlain da ka jingdonlang ka software ban pynithuh ia ki dur khmat ki briew bad ka ICCC bad ka IT Park ba la buh, ia kaba ngi la khmih lynti ban plie ha u bnai Naitung” la ong u Conrad dang shen.
mut pynlong iaka ri khasi kum sha London,USA te um iahap..ka cctv ngi donkam tangba ngi tip kane ka target ia u khasi namar da jia eiei ia u bar jylla ka ain ka nym treikam