Shillong: Ka jingialehkai ka Meghalaya Baby League ka la sdang biang ha kane ka sngi Saitjain ha madan Polo ha kaba ki la don 30 tylli ki jingialehkai jong ki hep rit na ki kynhun bapher bapher ba long ha Jawaharlal Nehru Sports Complex.
Ia ka jingialehkai ka MBL 2018 la pyllong da ka Tata Trusts, Meghalaya Football Association bad ka All India Football Federation.
Ki don 12 tylli ki jingialehkai ha kane ka sngi Saitjain ba la ialehkai ha madanThird Ground, Jawaharlal Nehru Stadium bad ha madan Futsal.
Ia ka jingialehkai la pyllong ia ki khynnah ba hapdeng ka 4-5 bad 6-7 snem bad 12-13 snem jong ki khynnah shynrang bad kynthei na ka bynta ban sain dur ia ka sap ka phong jongki.
Ka Langsning Greenergy Lions ka pynliem ia ka Kickstart Rhinos, Mawlatbah SC Hawks ia ka ENE Falcons, Little Star Clouded Leopards pylliem ia ka Unified Gorkha Gators.
Eastern Conference Wahlahkhiat Bulls pylliem ia ka JNS Jaguars, Touchline NE Cubs jop ia ka Sunnydale School Doves, ka NongthymmaiGC Scorpions ka pylliem ia ka Nongtrai Cheetahs.