30 sngi pan jingmut ka sorkar, halor ka ain bai khyndew

Shillong, 7 Jylliew:
Ka sorkar jylla mynta ka sngi ka la pdiang ia ka ain siew bai khyndew Draft Meghalaya Right to Fair Compensation and Transparency in Land Acquisition, Rehabilitation and Resettlement Rules, 2015 bad kan sa pan jingmut na ki paidbah shwa ban pynlong ain ia ka kaba pura.
Haba kren ha ki nongthoh khubor hadien ba la wai ka jingialang ka kynhun myntri mynta ka sngi, u Symbud Myntri Rangbah u ba peit ia ka tnad Revenue, u Dr RC Laloo u la ong ba ia kane ka Draft Meghalaya Right to Fair Compensation and Transparency in Land Acquisition, Rehabilitation and Resettlement Rules, 2015 yn sa pynmih ia ka jingpynbna paidbah ban pan jingmut hapoh 30 sngi bad hadien kane, ka sorkar kan shim ia ka rai ba khadduh.
U la ong namar ba ha kane ka jylla, kim don ki Panchayat, ka sorkar ka la shim ia ki  autonomous district councils (ADCs) ba kin ai lem ia ka jingai jingmut.
U la ong ba katkum kane ka ain, lada don ka jingshim jaka hapoh 5 akar ha jaka sor ym nym ktah kane ka ain bad 50 akar sha ki jaka nongkyndong.