30 percent yn ot tulop ia baroh ki MP, mynjur ka Lok Sabbha

Ka dorbar Lok Sabha, ka la mynjur mynta ka sngi, ban ot tulop ia baroh ki MP, da 30 percent, na ka bynta ki ar snem ki ban wan.

Ha kawei pat ka khubor, U Rajnath Singh, myntri kam iada ri, ka sorkar India, u iathuh ba ka jingiadei halor u pud u sam jong ka India bad ka China, ka la iai bteng naduh u snem 1960 bad naduh utei u snem, ka China, ka la kurup ia ka jaka kaba heh haduh 38,000 sq km ha Ladakh, nangta sa 5,000 sq km, ka jaka ba la kurup da ka Pakistan ha Jammu & Kashmir bad nangta ka kam trai ruh ia ka Arunachal.