30 ngut ki koidi ha Chennai, ki ioh covid 19

30 ngut ki koidi kiba don ha ka phatok ha Puzhal ha Chennai, ki la ioh jingpang covid 19, ong ka khubor sorkar.

Shabar na phatok, la iathuh ba ki don mynta 618 ngut kiba ioh ia katei ka jingpang ha ka nongbah Chennai bad 874 ngut kiba ioh ha baroh kawei ka Jylla. Ka jingbun ki nongpang coronavirus, ka kiew palat ia ka 800ngut ha kine ki lai sngi ba ladep bad la iathuh ba haduh 129 ngut kiba wan phai na Maharashtra, ki ioh ia katei ka jingpang.

Baroh kiba ioh pang covid 19 ha Tamil Nadu, ki long 20,246 ngut bad kiba la jem, ki don 11,313 bad mynta ka sngi, kiba ioh pang thymmai, ki don 765 ngut bad kiba iap ki don 9ngut bad hynnin ka sngi, kiba iap, ki long 12 ngut.