Ki pulit ka Mumbai, mynta ka sngi, ki la rai ban tian bishar, na ka bynta lai sngi kynthih, ia u tnga ka Shilpa Shetty, ka aktress ba pawnam jong ka bollywood, na ka daw, ba u ju pynmih ia ki phlim dakaid bad ba u pyniaid ha ki katto katne ki apps.
U Raj Kundra, ula shah kem, ha ki pulit jong ka Mumbai bad la kurup ruh ia ka mobile phone jongu. Ki pulit, kin dang tohkit ia U Kundra, haduh ka 23tarik Naitung 2021.
La kem ia U Kundra, ha ka miet jong ka Lah sngi U Blei bad la iathuh ba utei u briew, uba don mynta 45 snem ka rta, u ju don bynta ha kaba pynmih ia ki phlim dakaid.
La iathuh ba U Kundra, lem bad shibun kiwei ki kompeni, ki ju wad khnang ia ki samla lud, kiba leit poi sha Mumbai bad kitei ki ju kular ban pynak ia ki, ha ki phlim ba pawam ha bollywod, hynrei ia kitei ki ju pyn donkam, ba kin ak ha kitei ki phlim dakaid.
Phi don ban ong eiei?