Shillong: Ka kynhun ki doktor na Apollo Hospital na ki jylla bapher jong ka ri India kin wan ban ai jingsumar ei ia ki paidbah ha kane ka jylla naduh ka 27 tarik haduh ka 29 tarik mynta u bnai ha Civil Hospital, Shillong. Katei ka long ruh kum ka jingrakhe jong ki ia ka sngi Apollo. Ki doktor ki ban wan ai jingsumar ia ki paidbah ha kitei ki sngi kin dei na Chennai, Kolkata, Delhi bad Guwahati.
Ha ka 29 tarik mynta u bnai kan don ka jingiasyllok kyrpang jong ki doktor bad ki paidbah kaba kin ym shim pisa bad kin ia syllok kumno ban sumar ia ki jingpang ha u klongsnam, jabieng, ki jingpang Cancer, ki jingpang khyllai bad kiwei. Ha ka 28 tarik kan don ka tamasa ia tem ia put ha Don Bosco kaba long shi bynta kumno ban pynphriang khubor sha ki samla ban iada na ki jingpang ia bit.