3 sngi khang shnong ka Elaka Narpuh

Shillong,6 Jymmang:
Namar ka jingsoh sat na ka jingsniew palat ka surok NH-44, bad namarba ka sorkar kam shym la leh eiei ia ka jingdawa jong ki ban maramot noh ia ka surok ka Narpuh Elaka ka la shim da ka rai ba tyngeh ha kaba ka la khot syndon da ka pa khang shnong kaba haduh 3 sngi lynter kata naduh ka 12 haduh ka 14 tarik mynta u bnai.
Ka Elaka Narpuh ka la khot ia katei ka pakhang shnong, naduh ka por 5 baje mynstep jong ka 12 tarik haduh ka 5 baje mynstep ka 15 tarik mynta u bnai. Ka kyrwoh na u bah Manbha Kyndoh Daloi ka Elaka bad na u Secretary ka Elaka u bah C.Lamare ki la maham jur ia ki riew shim kabu ha kitei ki kynta pakhang shnong. Ki la pyntip ruh ba ha katei ka sngi yn pyllait tang ia ki nongthoh khubor, Ambulance kit nongpang.