Nongstoiñ: Ka Seng Hynniewtrep Youth Council (HYC) Maweit Circle ka pynpaw ia ka jingsngewkhia kaba jur halor ka jingbym pat treikam satia ki tower jong ka Jio Company kiba la wan ban pynieng ha kiba bun jaka jong ka thaiñ Maweit mynta la kumba ar taiew eie ei.
Haba iakren sha ki lad pathai khubor na ka liang jong u Samla Jeremiia Dkhar President ka HYC Maweit Circle u la ong ba naduh ba la duh noh ka Network jong ka Aircel ka thaiñ Maweit kala mad ia ki jingeh ha kaba iadei bad ka jingpyndom ia ki mobile phone.
Shuh shuh u la iathuh ruh ba hadien ba ka kompani Jio kala wan ban pynieng ia ki tower na ka liang jong ki paidbah kila dap da ka jingkmen kaba khraw namar kila ap khmih lynti ba shen kin sa lah ban pyndonkam biang ia ki mobile ha katei ka thaiñ pynban ka jingsuki ban treikam jong kitei ki tower jio kala pynsah umdum ia u paidbah ka thaiñ Maweit.
Kumta ha kaba iadei bad katei ka bynta na ka liang jong ka HYC Maweit Circle kala dawa na kibor ba dei peit ia kitei ki tower jong ka Jio kompani ba kidei ban shimkhia bad ban pyntreikam noh mardor bad na ka liang jong ka Seng ka ai por ruh ia katei ka kompani tang 3 sngi ba kadei ban pyntreikam noh ia kitei ki tower lem kumta na ka liang jong ka Seng kan sa shim da kiwei pat ki sienjam kiba tyngeh.
Phi don ban ong eiei?