3 snem, khlem bor ding ka shnong Umdem Maikhuli

Nongpoh: Ki paidbah hapoh ka Shnong Umdem kaba don hajan ka shnong Maikhuli kaba dei kawei na ki shnong khappud Ri Bhoi bad kaba hap ha Jirang Constituency, ki la hap ban shong dum mynta la lai snem kynthih khlem bording.

Kumba la iathuh da u Silva Sangma, Secretary shnong ka Umdem, u la ong ba ki paidbah hapoh katei ka shnong kim banse ban shu shong khlem bording mynta la lai snem, kata ka dei tang namar ka jingshah iehbein ha ki nongtrei ka tnat sam bording, namar naduh ka por ba sniew u Transformer ym shym la don kiba wanpeit wan khmieh, bad kumba ka long mynta lei u la sop tang da ki niut ki nier.

Ki briew katei ka shnong, ki la ong ba wat hapden ba katei ka shnong kam don bording, hynrei ki la don kumba 37 tylli ki longiing kiba ka bai bording ka wan poi beit bad nalorkata ki la don kumba 11 tylli ki longiing kiba la dei ban ioh bording lyngba ka skim baduk (BPL), hynrei la shu wan pyndait tang ia ki meter.