3 ngut kiba ioh pang corona, ha ka Jylla

Shillong: Kiba ioh pang corona mynta ka sngi, ki don 3 ngut bad kitei ki long 2 ngut na East Khasi hills bad iwei na East Garo hills.

Kiba jem na ka jingpang, ki long 30 ngut bad kitei ki kynthup ia 26 ngut ha East Khasi hills, 3 ngut ha East Garo Hills bad iwei ha South West Garo Hills.

Kiba dang don ha ka jingpang, ki long 199 ngut, ha kaba 140 ngut ki dei na East Khasi Hills, 5 ngut ha West Khasi hills, 30 ngut ha Ribhoi District, 15 ngut ha West Garo Hills, 2 ha South West Garo Hills, iwei ha South Garo Hills, iwei ha North Garo hills bad iwei ha East Garo Hills.

Baroh kiba la jem na ka jingpang, ki long 13,042 bad kiba iap, ki long 138 ngut baroh.